جريدة واشنطن بوست تطالب الادارة الامريكية بقطع الاعانة عن مصر

بعد الحكم على مدير مركز ابن خلدون,الدكتور سعد الدين ابراهيم ,طالبت صحيفة واشنطن بوست ادارة الرئيس بوش , بفرض عقوبه على مصر واقلها قطع الاعانة عن القاهرة,كرد فعل علىالحكم المصرى ,مدعيه ان الرئيس مبارك لم تتم مراقبه جهازة منذ احداث 11من سبتمبر,وان حكومته تدعى الديموقراطيه وانه يزيد عدد السجناء كلما زاد عدد السكان,بل وطالب سعدالدين ابراهيم الادارة الامريكيه ,بقطع الاعانة عن مصر.عجايب

مقاطعة اليو تيوب

هناك دعوة عامة لكل المسلمين,بل وكل من هم ضد العنصريه واهانه الاديان , ان يقاطعو موقع اليوتيوب الشهير لما نشره من مقاطع فيديو لتلاوة القران على طريقة الغناء بالة العود,بل وتضمن النشر اعاده لنشر الرسوم المسيئه لمحمد الرسول الكريم وقال تعالى:< ويمكرون ويمكر الله والله خير الماكرين>.

ابحث عن المراة

كلنا سمعنا عن الكارثه اللى حصلت من رجل من اهم رواد الاقتصاد المصرى وواحد من ابرز قيادات الحزب الوطنى وهو النائب هشام طلعت مصطفى,كلنا عرفنا ان النائب العام ادانه ووجه له تهمة القتل,لكن ايه السبب, ايه علاقته بالقتيلة اللبنانيه ولماذا اراد هشام اقصى درجات الانتقام وذبحها , لكن وراء كل جريمة لابد ان تبحث اولا عن المراة.

امل سرور والعودة من الوطن الجريح

عادت امل سرور المحررة بجريده الاهرام من الوطن الجريح , لتمتعنا بعدة مقالات هى خلاصه مشاهداتها فى فلسطين الحبيبة,ولكن الحزب المصرى الكبير , حزب اعداء النجاح,يعارضها بشدة واليكم قصتها
تزوجت امل سرور من طبيب فلسطينى وانجبت ابنها اسلام,اضطرت امل سرور للحصول على تاشيرة من السفارة الاسرائيلية بالقاهرة ,حتى تتمكن من دخول الاراضى الفلسطينيه لتسجيل ابنها كمواطن فلسطينى مع العلم ان اسلام قد حصل بالفعل على الجنسيه المصرية لانه من ام مصرية.
ولكن المفاجاه ان امل سرور قد حصلت على تاشيره لزيارة الاراضى الاسرائيلية ,ولكن الام الفاضلة قررت دخول فلسطين العربيه وليس اسرائيل , ومن هنا قررت استخدام الطرق الالتفافيه.
وصلت امل سرور الى الاراضى المقدسه وزارت كنيسه القيامه المقدسه التى امرت القديسة هيلينا ببنائهاعنما حصلت على ادوات صلب السيد المسيح ,وتتبعت رحله السيد المسيح والامه وامه العذراء الطاهرة , وزارت ايضا المسجد الاقصى المبارك اول القبلتين وثالث الحرمين , وتمتعنا الكاتبه بوصف رائع لبقعة من اطهر بقاع الارض, بطريقة ادب الرحلات الذى نفتقده
ولكن المفاجاة ان اعداء النجاح يطالب بشطب اسم امل سرور من نقابة الصحفيين لانها تعاملت مع السفارة الاسرائيلية
ولكن هناك اسئله تطرح نفسها اولا؛اذا كان هؤلاء يعتبرون دخول السفارة الاسرائيليه والحصول على تاشيرة لدخول فلسطين,نوع من التطبيع فلماذا تم انشاء سفارة اسرائيليه فى القاهرة من الاساس؟؟؟؟؟؟
وثانيا؛هل عندما يلجا الفلسطينيون للحصول على التصاريح للدخول الى المناطق الفلسطينيه الخاضعة للاحتلال , هل ذلك يعتبر اعتراف من الفلسطينيين بشرعيه الاحتلال؟؟؟؟؟؟
اكيد الناس الموضوعيين واصحاب العقول المستنيرة سيتفهمون موقف الاستازة امل بشكل موضوعى ولابد من تاييد هذه اللام الفاضله بكل ذرة فى مشاعرنا .
دعواتنا لها بمزيد من النجاح والتميز واسرتها الكريمة.

اكتر الاشخاص تاثيراالدكتور احمد خالد توفيق

من اكتر الاشخاص اللى اثرو فى تكوين شخصيتى وميولى هو الدكتور العظيم احمد خالد توفيق المشهور بسلسله ما وراء الطبيعة انا عارفة انه اثر فى التكوين الفكرى لالاف الشباب فى مصر وتحكم وخلق بشكل غير مباشر شخصيات تشبه الى حد ما الدكتور رفعت اسمعيل يمكن كلنا بقينا شبهه اوى المهم انه له فضل كبير عليا بعد ربنا وطبعا انتو عارفين لما بنقراله لازم نعمل طقوس رونيل السوداء الاول ونضلم الاوضه ونقرا على ضوء الاباجورة عشان الجو وكده لكن الواحد يعمل ايه عشان يقعد مع الدكتور احمد ولو دقيقة من الزمن ؟؟ هل لازم ناكل قلب ضفدعة وتبقى الليله مقمرة وكده يعنى ولا ممكن الواحد يلاقيه فى يوم من الايام؟؟؟؟
كل شىء جايزقادر ربنا لما جعل يحيى يتجوز لميس يقدر يخلينا نقابل الدكتور احمد , روياته وقصصه خلتنا زى منكون لفينا معاه العالم ,كل جمله او تشبيه قاله حفظناه واثر فينا , انا فاكرة انى اول مرة وانا طفله اعرف مين هو فيكتور فرانكنشتاين كانت من خلال الدكتور احمد او ايه هو قصر التيه والمينوتور اكيد فاكرينه او الثغرات الموجودة فى الزمن مع كينج تشاه طبعا فاكرينه.
لو قعدت ساعات احكى عن امتنانى وشكرى بجد مش هوفيه حقه, ومتنسوش وانتو بتصلو تدعو للدكتور رفعت اسماعيل ربنا يديله الصحة يارب . اكيد وجعت دماغكم . يلا سلام

اكتر الاشخاص تاثيرا

قوميتنا العربيه

لما قررت اعمل مدونه باسمى كنت بفكر يكون عندى اصدقاء كتيييير من كل بلد عربى ده حلمى الكبير وطبعا ده واضح من اسم المدونة قوميتنا العربيه اكيد الكلمه دى بتفكركم بحاجة باننا عرب ولازم نفهم ان مهما بعدت الحدود بينا يا عرب فهناك وسائل كتيييير ممكن تقربنا من بعض لو احنا عايزين زى الانترنت مثلا لازم يكون بيننا حوار لازم نتكلم مع بعض ونحلم مع بعض لازم نهد الجدار العازل اللى بيننا لازم نتكلم يا عرب لازم نقرب من بعض كفايه غربه بقى لاننا محتاجين بعض
لو وزارات خارجيتنا عمرها مااتفقت فلازم احنا افراد الشارع العربى نتفق ونتحاور